Ekzema shkaqet dhe trajtimi i saj

Ekzema është një gjendje në të cilën pjesët e lëkurës irritohen, kruhen dhe ashpërsohen, disa lloje mund të shkaktojnë edhe flluska.

Disa ushqime, të tilla si arrat dhe qumështi, mund të shkaktojnë simptoma të ekzemës. Shkaktarët mjedisorë mund të përfshijnë tymin, polenin, sapunët dhe aromat.

Në shumicën e rasteve simptomat e ekzemës janë të lehta. Simptomat më të zakonshme përfshijnë: lëkurë të thatë, skuqje të lëkurës, plagë të hapura, me kore ose të qara.

Skuqjet zakonisht shfaqen në rrudhat e bërrylave ose gjunjëve ose në qafë, skuqje që mbulojnë pjesën më të madhe të trupit

Pamja e lëkurës së prekur nga ekzema varet nëse lëkura është e infektuar. Kërvishtja dhe fërkimi mund të irritojë më tej lëkurën, të rrisë inflamacionin dhe ta përkeqësojë kruajtjen, shkruan Medical News Today.

Trajtimet

Aktualisht nuk ka kurë për ekzemën. Trajtimi për gjendjen synon të shërojë lëkurën e prekur. Për disa njerëz, ekzema largohet me kalimin e kohës. Për të tjerët, megjithatë, kjo është një gjendje e përjetshme.

Ekzema mund të trajtohet, duke aplikuar krem hidratues çdo ditë, duke u veshur me pëlhura pambuku dhe të buta, duke përdorur një sapun të butë ose një pastrues jo sapun gjatë larjes, mbajtja e thonjve të shkurtër për të parandaluar gërvishtjet nga thyerja e lëkurës

Njerëzit gjithashtu mund të provojnë ilaçe të ndryshme natyrore për ekzemën, duke përfshirë aloe vera, vaj kokosi dhe uthull molle.

Shkaqet

Studiuesit nuk e dinë shkakun përfundimtar të ekzemës, por shumë profesionistë shëndetësorë besojnë se ajo zhvillohet nga një kombinim i faktorëve gjenetikë dhe mjedisorë.

Disa faktorë mjedisorë gjithashtu mund të nxjerrin në pah simptomat e ekzemës, si ngacmues, shampoo, dezinfektues, kafshët shtëpiake, bakteret.

Ekzema është një gjendje e zakonshme inflamatore e lëkurës. Lloji më i zakonshëm quhet dermatiti atopik.

Ekzema mund të shkaktojë shqetësim dhe mund të ndryshojë në ashpërsi. Tek njerëzit me tone të errëta të lëkurës, simptomat mund të jenë më të vështira për t’u parë.

Edhe pse aktualisht nuk ka kurë, njerëzit mund të trajtojnë dhe parandalojnë shpërthimet e ekzemës duke përdorur mjete shtëpiake, hidratues, medikamente dhe ndryshime në stilin e jetesës./SHQIP.com