Edhe sot shumë nxehtë, temperaturat shkojnë deri në 38 gradë Celsius
Shqip
Mot i nxehtë dhe me temperature të larta do të shënohet edhe gjatë ditës së sotme në Kosovë, njofton Shqip.com.
Masat e nxehta të ajrit të ardhura nga Afrika Veriore (Shkretëtira e Çadit dhe Nigerisë) do të mbeten të qëndrueshme edhe për ditët vijuese duke krijuar mot me shumë vapë.
Nëpër disa zona parashihen vranësira, kryesisht rreth relievit malor, ku parashihet edhe ndonjë rigë e dobët shiu.
Temperaturat minimale do të lëvizin ndërmjet 16-18 gradë Celsius, ndërsa maksimalet e ditës parashihen të lëvizin ndërmjet 35-38 gradë Celsius.
Indeksi UV do të shënojë vlera të larta, prandaj IHMK apelon që kontakti direkt me rrezet e diellit mundësisht të jetë sa më i kufizuar (sidomos në periudhën kohore prej 10:00-17:00) sidomos personat në moshë dhe shtresa tjetër e popullatës me sëmundje kronike.
Do të fryjë erë e lehtë deri mesatare nga drejtimi i juglindjes dhe verilindjes. /Shqip.com
