Durmishi: Kompanitë janë në terren për pastrimin e borës

Mesditën e së hënës reshjet e borës kanë filluar të mbulojnë vendin pavarësisht kësaj rrugët janë duke u pastruar.

Këtë e ka bërë të ditur zëvendësministri i Infrastrukturës, Hysen Durmishi përmes një postimi në Facebook.

“Me të filluar reshjet e borës në vendin tonë, kompanitë e mirëmbajtjes verore dhe dimërorë të kontraktuara nga MMPHI, kanë dalë në teren për pastrimin e borës në rrugët regjionale, nacionale dhe autoudhë”, ka shkruar Durmishi.

Ai gjithashtu ka kërkuar nga vozitësit që të kenë kujdes të shtuar përgjatë kësaj kohe.

Instituti Hidrometeorologjik i Kosovës ka njoftuar se gjatë ditës së hënë dhe të martë do të ketë reshje bore dhe shiu./Shqip.com