Dua Lipa nuk po kërkon më dashuri pas ndarjes me Anwar Hadid

Këngëtarja 26-vjeçare u nda nga i dashuri i saj në dhjetor 2021 dhe tani ajo duket se e ka përjashtuar idenë për të kërkuar sërish dashurinë.

Duke folur në podcastin ‘Në shërbimin tuaj’, ajo tha se ndoshta ‘të gjej atë’ nuk është ajo gjë për mua.

“Mendoj se miqësia është një marrëdhënie shumë më e pastër. Këtë e mendoj shumë për shembull me mikeshat e mia.”

“Unë kam këto marrëdhënie të mrekullueshme me miqtë e mi dhe mund të ulem dhe të flas me ta për çdo gjë që ndihem shumë e qetë. Ata më kuptojnë me gjithë zemër.”

Krijuesja e hitit “Break My Heart” pranoi se ajo asnjëherë nuk është fokusuar vërtet në idenë e martesës, shkruan MDJ.

“Unë kurrë nuk kam menduar vërtet për martesën. Disa vajza thonë unë kam ëndërruar se si do të jetë veshja ime në ditën time të dasmës”, diçka që unë kurrë nuk e kam imagjinuar.

Ndërkohë, Dua sugjeroi se prindërit e saj të cilët janë ende shumë “të dashuruar” janë në fakt fajtorë për pikëpamjen e saj për të gjetur romancë në të ardhmen.

“Prindërit e mi janë ende bashkë dhe të dashuruar, dhe unë mendoj ndoshta ata thjesht i kanë vendosur këto pritshmëri jorealiste”.

Ndërkohë, pavarësisht famës dhe suksesit të saj, Dua ka bërë përpjekje të përbashkëta për ta mbajtur private jetën personale dhe është mësuar të përballet me spekulimet dhe interesat që e rrethojnë.

“Kam bërë paqe me faktin se njerëzit mund të mendojnë atë që duan të mendojnë, por askush nuk e di me të vërtetë, me të vërtetë se çfarë po ndodh pas dyerve të mbyllura”, ka thënë Dua.

Ndërkaq ajo tutje ka treguar se është mjaft mirënjohëse për familjarët dhe miqtë e saj