Drita mposht Drenicën, Llapi ndalen nga Malisheva, Dukagjini merr fitoren e parë
Pas përfundimit të ndeshjeve të kombëtareve, Superliga e Kosovës është rikthyer me xhiron e nëntë.
Drita ka fituar 2:1, kundër Drenicës në “Stadiumin e Qytetit”.
Blendi Baftiu ia dhuroi epërsinë vendasve në minutat e parë të ndeshjes, pasi gjeti golin e epërsisë në minutën e katërt.
Por, Drenica nuk u dorëzua dhe gjeti golin e barazimit në minutën e 42-të, me anë të Archange Koxy, i cili shënoi nga penalltia.
Në minutat e fundit Drita gjeti edhe golin e fitores me anë të Ardit Tahirit.
Drita kryeson tabelën me 21 pikë, kurse Drenica është e pesta me 11-të.
Fitore ka shënuar edhe Dukagjini, të cilët mposhtën Ferizajn me rezultat 4:1.
Kjo ishte fitorja e parë e Dukagjinit këtë stinor.
Ishte Ferizaj që morri epërsinë në minutën e shtatë, me anë të Sefas.
Por, vendasit u kundërpërgjigjën duke shënuar kate gola.
Golat për Dukagjinin i shënuan Merlaku, Zabërgja, Gashi e Otto John.
Dukagjini mbetet në vendin e fundit, kurse Ferizaj është një pozitë më lartë.
Llapi barazoi me Malishevën në një ndeshje që përfundoi me rezultat të ngushtë 1:1.
Llapi doli në epërsi në minutën e 32-t, me anë të Benjamin Eminit, por golin e barazimit Malisheva e gjeti pak para përfundimit të pjesës së parë me anë të Hajdarit./Shqip.com
