Drenica triumfon ndaj Prishtinës, Trepça 89 e deklason Dukagjinin
Kanë përfunduar dy ndeshjet e zhvilluara sot në kuadër të Superligës.
Drenica ka triumfuar ndaj Prishtinës me rezultat 2-1, teksa Trepça 89 e ka deklasuar Dukagjinin 3-0.
Në ndeshjen e zhvilluar në Skenderaj – mysafirët e nisën më mirë takimin dhe kaluan në epërsi me anë të Hamitit – në minutën e 52-të.
Por, vendasit nuk u dorëzuan dhe arritën ta përmbysin rezultatin.
Gavazaj shënoi për 1-1 në minutëne 76-të, ndërsa për të arkëtuar pikë e plota u përkujdes Abazi – në minutën e 84-të.
Me këtë trepikësh – Drenica ngritet në vendin e katërt – me nëntë pikë, teksa Prishtina mbetet në të tretin – me dy pikë më shumë.
Në takimin tjetër në Mitrovicë – “xehtarët” ishin më kërkures nga fillimi dhe arktuan pikët e plota pa problem.
Tashmë – Trepça 89 ngritet në pozitën e pestë – me nëntë pikë, ndërsa Duklagjini mbetet në vendin e fundit – me vetëm dy pikë./Shqip.com
