Dori Camaj / Oj e bardh

OJ E BARDH

Oj e bardh
Si flokt e shpupurisun
T’Bjeshkve n’janar.
O era e bukur
E lules Ftonit,
Qi çel gjijsh shkrepash,
E mbush mushknit
E rrugve t’pa shkeluna.
O uji i lumit
Ma t’kulluem,
Qi shkumbohesh ka bjen rrëmbyshëm,
E vjen e m’qeshesh
Si dhamb perle.
O zog me krah boj parajse,
E syt’ si thelb oqeani.
Ti qi Hanës
I ndrron ftyr,
E flokt i ujdis
N’hyj e shí meteorësh.
I bekuem qoft
Kurmi i asaj Nane,
Qi i fali botës
Nji krijes sublime,
Nji nimf,
Nji Zan’,
Nji andërr,
Qi m’asht harlis
N’damar…