Dimri i ngrohtë në Kanada pengon hapjen e pistës më të madhe të patinazhit në akull

Rideau Canal Skateway i Kanadasë është vendi ku bëhet patinazhi i jashtëm në akull dhe është më i madhi në botë.

Ky vend është cilësuar si trashëgimi e mbrojtur nga UNESCO.

Por, këtë dimër ka rrezik që mos të hapet për patinazh për shkak të mungesës së akullit. Ky problem po paraqitet për herë të parë në pesë dekada.

Sipas zyrtarëve, Otava e Kanadasë ku ndodhet edhe pista e patinazhit në akull, është në kthetrat e dimrit me të ngrohtë të regjistruar ndonjëherë.

“Nëna Natyrë na ka paraqitur një sfidë të madhe këtë vit. Temperaturat e buta e kanë bërë të vështirë krijimin e akullit të mirë e të fortë që mund të mbështesë peshën e pajisjeve dhe patinatorëve tanë ,” tha Brus Devine, menaxher i lartë i Komisionit kombëtar të Kapitalit përgjegjës për patinazhin.

Që kanali të ngrijë, temperaturat duhet të jenë të qëndrueshme në -10 deri në -20C për pothuajse dy javë.

“Aktualisht në disa vende akulli është poroz dhe me cilësi jo shumë të mirë,” tha Devine, raporton The Guardian.

Përkundër faktit se të tjerët mendojnë se pista e patinazhit në akull të mos hapet fare, Devine mbetet optimist.

Sipas meteorologut, Peter Kimbell, javën e ardhshme do të jetë moti më i favorshëm për patinazh.

“Një magji e shkurtër e ftohtë parashikohet të vijë. “Moti do të jetë më i favorshëm [për patinazh] javën e ardhshme. Por a do të jetë e mjaftueshme, nuk e di”, tha Kimbell.

Patinazhi në zemër të Otavës është 7.8 kilometra i gjatë dhe sipas Rekordeve Botërore të Guines ka madhësinë e 90 patinazheve olimpike.

Në vitin 2005 është konfirmuar se kjo pistë patinazhi është me e madhja në botë dhe kohët e fundit ajo ka tërhequr një mesatare prej 22.000 mijë vizitorësh.

Patinazhi normalisht hapet në fund të dhjetorit për 30 deri në 60 ditë, por kjo hapje është zhvendosur më vonë dhe për periudha më të shkurtra përgjatë viteve.

“Është me të vërtetë shumë keq për të gjitha bizneset dhe të gjithë njerëzit që gjejnë gëzim” në patinazh, tha studentja Clara Harman-Denhoed.

Kësaj pikëpamjeje i bëri jehonë edhe ministri i mjedisit i Kanadasë, Steven Guilbeault.

 “Ky është një shembull tjetër se si klima jonë po ndryshon në Kanada”.