Dhuna nuk duhet toleruar

25 Nëntori është Dita Ndërkombëtare për Eliminimin e Dhunës ndaj Grave! Po në këtë ditë, vendi u trondit me një vrasje të rëndë të një gruaje në Prishtinë.

Një burrë 70-vjeçar ka vrarë gruan e tij 63 vjeçe sot në kryeqytet.

Qeveria e Republikës se Kosovës, përkatësisht Ministria e Drejtësisë, ka dërguar sot mesazhe, ku kërkon të raportohet dhuna.

“Dhuna në familje dhe në baza gjinore nuk duhet toleruar. Raportimi është hapi i parë drejt adresimit të këtij krimi. Raporto! 192”, thuhet në mesazhin e MD-së.