Cristiano Ronaldo – “hero” i “Djajve të Kuq”

Ka mbaruar “drama” në “Teatrin e Ëndrrave”.

Manchester United kanë arritur që ta përmbysë rezultatin ndaj Atalantës, nga 0-2 në 3-2 për të shënuar një fitore të “artë”, shkruan Shqip.com.

Mysafirët ishin superior në pjesën e parë dhe arritën që të kalojnë në epërsi pas vetëm 15 minutave lojë.

Ishte, Mario Pasalic që dërgoi topin në rrjetë për 0-1, ndërsa kur pritej reagimi i vendasve për ta barazuar rezultatin, ndodhi e kundërta.

Mehri Demiral arriti që të tundë rrjetën e David de Geas, dhe skuadra e tij shkoi e qetë në pushimin ndërmjet pjesëve.

Pjesa e dytë, pati një skenar komplet me “fytyrë” tjetër.

“Djajtë e kuq”, filluaan të sulmojnë pa pushim në drejtim të portës së kundërshtarëve dhe arritën që fillimisht ta ngushtojnë rezultatin në 1-2,  me anë të Marcus Rashford.

Në kohën kur më së shumti i duhej ekipit, kapiteni Harry Maguire, arriti që të realizonte një gol tejet interesant, për të barazuar rezultatin.

Kur u mendua se ndeshja do të përfundonte me brazim, në “skenë” doli Cristiano Ronaldo që e vulosi këtë takim.

Pas një harkimi të dhënë nga Luke Shaw, CR7 e goditi topin me kokë dhe e tundi rrjetën e kundërshtarëve për të i dhuruar skuadrës së tij pikët e plota.

Pas këtij takimi, Manchester United është lider në grupin F, me gjashtë pikë, kurse Atalanta është e dyta me dy pikë më pak.

Në ndeshjet tjera u shënuan këto rezultate:

Young Boys 1-4 Villarreal

Benfica 0-4 Bayern Munchen

Chelsea 4-0 Malmoe

Zenit 0-1 Juventus/Shqip.com