Chollet telefonon Kurtin, kërkon zbatimin e marrëveshjes nga dyja vendet

Këshilltari i Departamentit të Shtetit, Derek Chollet ka dënuar ngjarjet e zhvilluara në veri të vendit të dielën.

Ai ka njoftuar se ka diskutuar në telefon me kryeministrin Kurti, të cilit i ka shprehur ngushëllime për vrasjen e rreshterit Afrim Bunjaku.

“Bisedova me kryeministrin Kurti rreth sulmit të tmerrshëm të së dielës në Kosovë. Dënoj ashpër dhunën kundër Policisë së Kosovës dhe shprehi ngushëllime për humbjen e jetës së rreshterit Afrim Bunjaku. Të dyja palët duhet të kthehen në dialogun e ndërmjetësuar nga BE-ja dhe të zbatojnë angazhimet e Ohrit”, ka shkruar Chollet në platformën X.