Challandes iku, por jo edhe humbjet
Shqip
Miqësorja ndaj Jordanisë u pa si një kthesë te fitoret, por një gjë e tillë nuk ndodhi.
Përfaqësuesja e Kosovës është mposhtur nga Jordania me rezultat 0-2, në ndeshjen e zhvilluar në stadiumin “Fadil Vokrri”, me fillim nga ora 18:00, shkruan Shqip.com.
Ani pse Dardanët e nisën ndeshjen më mirë, duke rrezikuar disa herë portën e kundërshtarëve, ishin mysafirët që rrëmbyen fitoren.
Goli i parë në këtë takim, u shënua pas 18 minutave lojë, ndërsa golashënues ishte Baha Fasial.
Ky ishte edhe goli i vetëm i shënuar në pjesën e parë.
Ndëra, pjesa e dytë ishte po ashtu e dominuar nga Kosova, ama prapë epërsia ishte në anën tjetër.
Pas shumë rasteve të humbura nga Vedat Muriqi me shokë, mysafirët i “dënuan” në rastin e vetëm.
Kur po zhvillohej minuta e fundit e kohës së rregullt, ishte Dardour që e dërgoi topin në rrjetë dhe i dhuroi fitoren skuadrës së tij.
Ndeshjen e radhës, Kosova e zhvillon me 14 nëntor, ku do udhëtojë në Athinë për tu përballur ndaj Greqisë – në kuadër të kualifikimeve për Kampionatin Botëror “Katari 2022”.
Aktualisht, Dardanët gjendet në pozitën e fundit në Grupin B, me vetëm katër pikë, pas shtatë ndeshjeve të zhvilluara./Shqip.com
