Burgoset radikalisti që mbante të mbyllur për gjashtë vite familjen

Xherxh Laçi i njohur nga Policia e Shtetit të Shqipërisë si radikalist, së fundi është lënë në burg nga Gjykata.

Siç ka njoftuar Abcneës.al, 52-vjeçari kishte lënë për gjashtë vjet familjen e tij të mbyllur në një shtëpi në Tiranë.

 Laçi ka dëshmuar para Policisë së këtë e bënte që ata t’i ruante.

 “Kam ndjekur parimet e mia fetare. Fëmijët dhe bashkëshorten nuk i kam lënë të dalin për t’i ruajtur nga e keqja. Nuk doja që ata të nisnin drogën apo të infektoheshin”, ka pohuar Laçi.

Laçi ka mohuar se ka dhunuar bashkëshorten e tij dhe dy fëmijët – përkundër deklaratës së tij, familja kanë dëshmuar para psikologëve se Laçi ushtronte dhunë sistematike  mbi ta.

Familja e Laçit tashmë janë dërguar në qendër të rehabilitimit ndërsa, vet ai ndodhet në duart e organeve të rendit.

Policia bëri me dije se 52-vjeçari ka qenë i dënuar më parë për armëmbajtje pa leje.

Gjatë kontrollit të banesës ditën e djeshme u gjetën dy mjete prerëse thika ndërsa gjatë kontrolleve të ambienteve përreth banesës, në oborr, u gjetën dhe sekuestruan 700 fishekë luftarak dhe krehra automatiku.

.