Broja e Asani vulosin fitoren e miqësores ndaj Lihtenshejnit

Shqipëria luan miqësoren e parë në prag të Europianit të verës.

Pjesa e parë e ndeshjes Shqipëri-Lihtenshtejn u mbyll me një gol nga Armendo Broja në minutin e 31′.

Bajrami kapi në befasi kundërshtarët me një top të shpejtë nga goditja e dënimit, duke pasuar te Broja, i cili përballë portierit nuk fal.

Ky ishte dhe goli i pestë me kombëtaren për 22-vjeçarin.

Në nisje të pjesës së dytë Shqipëria arriti të shënonte golin e dytë.

Ishte Jasir Asani ai që në minutin e 47′ i dhuroi kombëtares golin e dytë.

Goal: Jasir Asani | 🇦🇱 Albania 2-0 Liechtenstein 🇱🇮 pic.twitter.com/Pg7M8qpxmQ

— PushGoals (@PushGoals) June 3, 2024

Kurse, Ernest Muçi e “mbylli” ndeshjen me golin e tretë.

Një test mjaft pozitiv, ku ranë në sy forma mjafte mirë e Mitajt, Gjasaulës, Arbër Hoxhës, Broja dha sinjale mjaft të forta, Muçi po ashtu.

Edhe pse kishim përballë një skuadër nën nivelin e kombëtares tonë, kuqezinjtë e vlerësuan maksimalisht, për të bindur trajnerin Silvinjo që secili prej tyre e meriton atë fanelë për të qenë pjesë e listës në Euro 2024.