Brnabiq: Shërbimet serbe parandaluan kërcënimet për jetën e presidentit

Kryeministrja e Serbisë, Ana Brnabiq, ka njoftuar sot se shërbimet e sigurisë së Republikës së Serbisë kanë qenë në dijeni për kërcënimin me jetën e presidentit të Serbisë, Aleksandar Vuçiq dhe se e kanë parandaluar atë.

“Dëshmitari bashkëpunëtor jep detaje për atë që shërbimet e sigurisë dhe prokuroria tashmë kanë njohuri dhe prova – nëse nuk do të ishte kështu, nuk do të kishte gjyq dhe asnjë dëshmitar të asociuar (pra, njëlloj si kudo në botë)”, ka thënë Ana Brnabiq raporoton Tanjug.

Kujtojmë se dje në Gjykatën Speciale në Beograd ka vazhduar hetimi për rastin e klanit Veljko Belivuk , ndërsa i pandehuri dëshmitar Srgjan Laliq gjatë prezantimit të konstatimeve ka theksuar se ka pasur edhe një atentat ndaj Presidentit të Serbi, Aleksandar Vuçiq.