Blatter dhe Platini do dalin para drejtësisë – në qershor
Shqip
Do të përballen me drejtësinë.
Ish-presidenti i FIFA-s Sepp Blatter dhe ish-presidenti i UEFA-s Michel Platini do të dalin në gjyq në Zvicër, me 8 qershor.
Dyshja është e rënduar me akuzat për korrupsion – sa ishin në krye të organeve përkatëse.
Prokurorët zviceranë thonë se Blatter organizoi në mënyrë të paligjshme një transferim prej 2 milion frangash zvicerane (1.6 milion £) te Platini në 2011.
Teksa, të dy kanë mohuar akuzat e hedhura në drejtim të tyre.
Por, nëse shpallen fajtorë, mund të marrin dënime me burg ose gjoba.
Çështja u hap në shtator 2015 pasi FIFA, organi qeverisës botëror i futbollit, u vu nën akuza për korrupsion të përhapur.
Komiteti i Etikës i FIFA-s nisi një hetim, i cili pa të dy burrat të përjashtuar nga loja dhe të detyruar të largoheshin nga pozicionet e tyre.
Çështja zvicerane përqendrohet në një kërkesë për pagesë për punën këshilluese që Platini bëri për presidentin e atëhershëm të FIFA-s, Blatter, ndërmjet viteve 1998 dhe 2002.
Prokurorët thanë se Platini, kërkoi pagesën “mbi tetë vjet pas përfundimit të veprimtarisë së tij këshilluese”.
“Me përfshirjen e Blatter-it, FIFA i bëri një pagesë Platinit në shumën e përmendur në fillim të vitit 2011”, thanë më parë prokurorët.
Lajmi për akuzat në drejtim të dyshes kishte tronditur botën e futbollit.
Plattini ka pasur karrierë të bujshme si futbollist – sa ishte pjesë e Sanit-Etienne dhe Juventusit.
Ai ishte edhe reprezentues i kombëtares franceze, teksa e ka fituar tri herë Topin e Artë./Shqip.com
