Arrestohet shtetasi turk në Kosovë, ishte i kërkuar nga autoritetet e Moldavisë
Shqip
Është arrestuar në Prishtinë një shtetas turk i kërkuar nga autoritetet e Moldavisë.
Zëdhënësi i Policisë së Kosovës, Baki Kelani ka thënë për Shqip.com, se arrestimi i tij është arritur përmes njësisë FAST Kosova.
“Mund të konfirmojmë se sot në rajonin e Prishtinës, Policia e Kosovës përmes njësisë FAST Kosova, ka arrestuar një person të dyshuar (shtetas turk) i cili ishte në kërkim nga autoritetet e Moldavisë, si i dyshuar për përfshirje në veprën penale mashtrim”, ka thënë Kelani.
Ai gjithashtu ka thënë se të gjitha veprimet e mëtejme do të ndërmerren sipas procedurave të parapara ligjore./Shqip.com
