Arrestohet një burrë në Ferizaj, gjenden në shtëpinë dhe lokalin e tij substanca narkotike

Arrestohet një person në Ferizaj pasi të njëjtit, gjatë kontrollit të policisë në lokalin dhe shtëpinë e tij i ka gjetur substanca narkotike.

Përmes raportit policor, Policia e Kosovës ka njoftuar  se provat materiale të gjetura gjatë kontrollit janë sekuestruar

Në këto prova përfshihen marihuanë në peshë 5.94 gram, 31.02 gram kokainë, dy  peshore digjitale,  tetë qese najloni të zbrazura, një telefon  dhe  90 euro kesh para.

“Gjatë kontrollit në lokalin dhe shtëpinë të dyshuarit mashkull kosovar janë gjetur dhe sekuestruar si prova materiale:  disa paketime me  substancë e dyshuar narkotike e llojit marihuanë në peshë 5.94 gram, 31.02 gram kokainë, dy  peshore digjitale,  tetë qese najloni të zbrazura, një telefon  dhe  90 € kesh para”, thuhet në raportin e PK-së.

Tutje PK-ja njofton se i dyshuari është intervistuar dhe me vendim të prokurorit është arrestuar dhe dërguar në mbajtje.

Rasti është iniciuar si posedim i substancave narkotike dhe është në procedurë hetimore./Shqip.com