Arrestohet 27 vjeçari në Ferizaj, iu gjet një thikë dhe substancë narkotike
Është arrestuar një 27 vjeçar në Ferizaj, pasi që gjatë një kontrolli të një makine nga Policia e Kosovës, iu gjet një thikë dhe substancë narkotike.
Pasagjerit të cilit Policia i gjetën një thikë dhe substanca narkotike iu sekuestruan si prova materiale.
Këtë e ka bërë të ditur Policia Rajonale e Ferizajit, përmes një komunikate për media.
“Policët e stacionit policor në Ferizaj, sonte rreth orës 19:30 në rrugën ” Rexhep Bislimi ” në Ferizaj, kanë ndaluar një automjet VW Golf me targa vendore dhe gjatë kontrollimit të automjetit dhe personave, tek pasagjeri me inicialet R.B ( M/K) i moshës 27 vjeçar, janë gjetur një thikë, një sasi e vogël e narkotikëve (marihuanë) si dhe një grinder ( mulli) , të cilat si prova materiale janë sekuestruar”, thuhet në komunikatën e Policisë.
Tutje, PK-ja njofton se i dyshuari është shoqëruar në stacionin e policisë në Ferizaj dhe pasi është intervistuar nga njësitet e hetimeve, me vendim të prokurorit është liruar për procedurë të rregullt./Shqip.com