Arrestohen dy të burgosurit që u arratisën nga Qendra Korrektuese në Lipjan
Shqip
Dy të burgosur të cilët të dielën u arratisën nga Qendra Korrektuese Lipjan, janë arrestuar nga Policia e Kosovës.
Lajmin e ka bërë të ditur Shërbimi Korrektues i Kosovës.
Sipas njoftimit, arrestimi i të burgosurve me inicialet A.K dhe SH.XH është bërë pas rreshtimi të lëshuar nga SHKK-ja.
“Të njëjtit pas arrestimit janë dorëzuar tek autoritetet e SHKK-së për të vazhduar me procedurat e mëtutjeshme”, thuhet në komunikatën për media.
Dy të burgosurit janë të dënuar me masë edukuese korrektuese.
Ndërsa, ende nuk dihet se si ka ardhur deri tek arratisja e tyre./SHQIP.com
