Arrestohen dy persona për vjedhje të një portofoli

Dy persona janë arrestuar të enjten në Prishtinë, pasi që dyshohet se kanë vjedhur një portofol nga një femër, përcjell Shqip.com.

Policia e Kosovës ka njoftuar se rasti ka ndodhur në rrugën “28 nëntori” në Prishtinë, ku ankuesja ka kërkuar ndihmën e dy zyrtarëve policorë që ndodheshin afër vendit të ngjarjes.

Sipas njoftimit, arrestimi i të dyshuarve ka ardhur pasi që policët janë vënë në ndjekje të personave të dyshuar.

“Zyrtarët policor, menjëherë,  janë vënë në ndjekje të personave të dyshuar  dhe ky reagim i  shpejtë ka rezultuar me arrestimin e personave të dyshuar: • B. K, mashkull, shtetas i Republikës së Kosovës dhe •P.K, mashkull, shtetas i Republikës së Kosovës, si dhe gjetjen e portofolit.

Lidhur me këtë rast, i cili është cilësuar si vjedhje, hetuesit policorë kanë filluar procduarat e nevojshme policore ndaj të arrestuarve, në koordinim me prokurorin e shtetit”, thuhet ndër tjerash në njoftim./SHQIP.com