Lajme

Ambasadori amerikan në Greqi flet pas takimit me Kurtin, tregon se çka diskutuan

Albin Kurti dhe Geoffrey Pyatt

Kryeministri i Kosovës, Albin Kurti është takuar me ambasadorin e Shteteve të Bashkuara të Amerikës në Greqi, Geoffrey Pyatt, në Tryezën e Rrumbullakët Ekonomike që po mbahet në Athinë, njofton Shqip.com.

Ky i fundit në Twitter ka njoftuar se me Kurtin kanë diskutuar për avancimin e bashkëpunimit rajonal në energji, ekonomi dhe siguri.

“Takim i shkëlqyeshëm me kryeministrin Albin Kurti në tryezën e rrumbullakët ekonomike në Greqi dhe diskutim për avancimin e qëllimeve tona të përbashkëta për bashkëpunimin rajonal në energji, ekonomi e siguri, duke u mbështetur në momentumin e vizitës së Nikos Dendias në Prishtinë, që e nënvizon rolin udhëheqës e stabilizues të Greqisë në rajon”, ka shkruar Pyatt.

Athina ka zyre ndërlidhëse në Prishtinë, ndërsa zyrtarët grekë vizitojnë Kosovën duke respektuar edhe simbolet e shtetit./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.60
  • Benzine: 1.33
  • Gas: 0.75
Sot : 27/09/2022