Aksidentohet një kamion me 100 majmunë, zhduken disa prej tyre
Shqip
Një kamion që transportonte rreth 100 majmunë u përfshi në një aksident të premten në Pensilvani, tha policia e shtetit ndërsa autoritetet kërkuan për të paktën tre nga majmunët që dukej se i kishin shpëtuar automjetit.
Kamioni që transportonte kafshët u përplas me një kamion tjetër pasdite në Montour County, ka thënë punonjësi i policisë së shtetit të Pensilvanisë, Andrea Pelachick, raporton abcnews, përcjell SHQIP.com.
“Kamioni ishte rrugës për në një laborator”, ka thënë Pelachick.
Autoritetet u kanë kërkuar banorëve që mund të shohin majmunët të telefonojnë policinë e shtetit.
Është e paqartë nëse në aksident janë lënduar njerëz apo kafshë.
