Lajme

AKK jep sqarim për rastin e Arta Rama-Hajrizit dhe Xhavit Halitit: Nuk kemi bërë asnjë lëshim

Agjencia Kundër Korrupsionit

Agjencia kundër Korrupsionit, ka dalë me një sqarim rreth publikimit të regjistrave të deklarimit të pasurisë për zyrtarët e lartë publik, njofton Shqip.com.

AKK thekson se i gjithë procesi i pranimit të formularëve të deklarimit të pasurisë nga Agjencia është bërë në formën elektronike si dhe përmes postës.

Lidhur me të dhënat e pasurisë të ish-kryetares së Gjykatës Kushtetuese, Arta Rama-Hajrizi, AKK thotë se nuk ka bërë kurrfarë lëshimi sa i përket publikimit të të dhënave të deklaruara nga subjekti në fjalë.

“Sa i përket publikimit të deklarimit të pasurisë për zyrtarin e lartë publik  Arta Rama-Hajrizi, formulari i deklarimit të pasurisë së dorëzuar në Agjenci është identik me të dhënat e publikuara në ueb faqen zyrtare të Agjencisë, e që nënkupton se Agjencia nuk ka bërë kurrfarë lëshimi sa i përket publikimit të të dhënave të deklaruara nga subjekti në fjalë”, thuhet në njoftim.

Ndërsa sa i përket deklarimit të pasurisë për zyrtarin e lartë publik, Xhavit Haliti, ka thënë së nuk ekziston asnjë lëshim apo gabim nga ana e Agjencisë.

“Në rastin konkret, deklarimi i pasurisë për zyrtarin e lartë  Haliti ende nuk ka qenë publik në kohën kur është publikuar lajmi në media lidhur me të dhënat e zyrtarit, pasi që regjistri i deklarimit të pasurisë për zyrtarin e lartë  Xhavit Haliti është publikuar në orën 10:59 datë 29.01.2021, ndërsa lajmi në media është publikuar në mëngjesin e të njëjtës datë. Kjo nënkupton se regjistri i deklarimit të pasurisë për zyrtarin e lartë Haliti, është bërë publik pas pranimit të informatës”, thuhet më tej në njoftim./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.61
  • Benzine: 1.34
  • Gas: 0.76
Sot : 30/09/2022