Ahmeti: Sot dita ime e fundit si kryetar – kemi përmirësuar dukshëm qytetin
Shqip
Shpend Ahmeti e ka ditën e fundit si kryetar i Prishtinës.
Pasi detyrën do t’ia bartë Përparim Ramës, kryetar i zgjedhur nga Lidhja Demokratike e Kosovës.
“Faleminderit për mbështetjen, kritikën, votën, votën kundër dhe për secilin kontribut që e keni dhënë për Prishtinën tone”, ka shkruar Ahmeti në Facebook.
Ka përmendur sukeset e tij të cilat thotë që i ka realizuar gjatë tetë viteve.
Ai përmendi disa fusha si urbanizmi, arsimi e shëndetësia – thotë se ka progres.
“Për mua ishte kënaqësi të jem në shërbimin Tuaj! Përherë e përjetë do të jem shërbëtor I qytetit në çdo formë që kam mundësi”, theksoi ai.
Po ashtu e ka falënderuar edhe Lëvizjen Vetëvendosje që e kandidoi dy herë dhe e mbështeti. /Shqip.com
