AAK-ja: Buxheti i vitit 2024 është i klaneve të pushtetit
Shqip
Planifikimi i buxhetit për vitin 2024 nga Qeveria e Kosovës po vazhdon të kritikohet nga opozita.
Aleanca për Ardhmërinë e Kosovës këtë e kritike bën përmes një konference për media.
Nga aty, buxhetin e vitit te ardhshëm, deputeti Pal Lekaj e quajti të interesave partiake e të klaneve të partisë në pushtet.
“Kjo është Qeveri e injorimit dhe mashtrimit e në interes të klaneve të caktuara dhe nuk përfill asnjë kërkesë buxhetore të nevojshme për zhvillimin ekonomik. Së pari nuk ka përfillur kërkesat e agjencioneve të pavarura të institucioneve të ndërmarrjeve publike dhe që kanë ardhur me kauza që do të ndryshojnë pozitivsht”.
Ndërkaq, kryetari i grupit parlamentar të AAK-së, Besnik Tahiri u shpreh se në projekt-buxhetin për vitin 2024, në 22 komuna të Kosovës nuk është përfshirë asnjë projekt i ri.
“Ky pushtet e ka kthyer buxhetin e Kosovës në buxhet i cili është në shërbim të Vetëvendosjes. Këtij pushteti i duhet opozita vetëm kur i ngushtohet situata në veri apo kur i duhen votat për kalimin e marrëveshjeve ndërkombëtare”.
Buxheti i Kosovës për vitin 2024 është 3 miliardë e 314 milionë euro. /T7
/Shqip.com
