Ministrit australian i pezullohet pozita pasi e dashura e tij rrëfehet për abuzim gjatë lidhjes

Një ministër australian është lënë mënjanë nga kabineti pasi një ish-punonjëse pretendoi se lidhja e tyre jashtëmartesore ishte abuzive ndonjëherë.

Rachelle Miller pretendoi se ajo kishte përjetuar ngacmim dhe frikësim gjatë marrëdhënies së saj me ministrin e Arsimit Alan Tudge në 2017.

Tudge “i hodhi plot ësishtposhtë{ akuzat e ngritura ndaj tij, raporton BBC, transmeton Shqip.com.

Por kryeministri Scott Morrison tha se ministri kishte rënë dakord të qëndronte mënjanë derisa të fillonte një hetim.

“Dëshiroj të theksoj se ky veprim në asnjë mënyrë nuk synon të nxjerrë një përfundim për këto çështje… por ky është veprimi i duhur që unë të ndërmarr sipas standardeve ministrore,” tha z. Morrison.

Miller, ish-sekretarja e shtypit e Tudge, e kishte bërë publike marrëdhënien e tyre konsensuale një vit më parë – por të enjten zbuloi detaje të tjera.

Ajo tha se kishte pasur një “çekuilibër të rëndësishëm fuqie” gjatë marrëdhënies së tyre dhe ajo ishte ndjerë “plotësisht nën kontrollin e tij”.

“Bulizmi, frikësimi, ngacmimi që përjetova prej tij në punë shkatërroi plotësisht të gjithë besimin që kisha në aftësitë e mia. Nuk besoja se do të gjeja një punë diku tjetër. Po shpërthesha në lot rregullisht”, tha ajo.

Pas ndarjes së çiftit, zonja Miller tha se ndihej e “listës së zezë” nga punët e tjera brenda partisë Liberale në pushtet. Tudge u promovua në kabinet në vitin 2019. /Shqip.com