Kurti reagon pas vendimit të Biden: Kosova dhe bota janë më të sigurta falë kontributeve të tij

Kryeministri i Kosovës, Albin Kurti, ka shprehur mirënjohjen e tij për presidentin e SHBA-së, Joe Biden, për kontributet e tij të jashtëzakonshme ndaj Kosovës.

Në një postim në platformën X, Kurti ka theksuar se Biden ka qenë për dekada një nga miqtë më të mëdhenj të Kosovës dhe avokatët më të palodhur.

Ai ka thënë se njoftimi për tërheqjen e Biden-it nga gara për zgjedhjet e nëntorit  shënon fundin e një epoke.

“Për dekada, Joe Biden ka qenë një nga miqtë më të mëdhenj të Kosovës dhe avokatët më të palodhur. Njoftimi i Presidentit Biden shënon fundin e një epoke. Bota — dhe veçanërisht Kosova — është një vend më i mirë dhe më i sigurt për shkak të kontributeve të tij të jashtëzakonshme. Për këtë, ne do të jemi gjithmonë mirënjohës,” ka shkruar Kurti.