Tension i lartë tek Belgjika, trajneri zihet me kameramanin, De Bryjn me tifozët
![](https://shqip.com/app/uploads/2024/06/640-0-e4245c2958c9d663c21681fb9a5b42bf.jpeg)
Kualifikimi në fazën me eliminim direkt të Euro 2024 për Belgjikën nuk ka qenë i qetë.
Skuadra e drejtuar nga Domeniko Tedesko kaloi me vështirësi e drithërima përballë Ukrainës me një barazim 0-0, duke rrezikuar seriozisht që të mbetej jashtë.
Tani atë e pret ndeshja me Francën, një tjetër lajm jo i mirë për belgët që nuk kanë shfaqur formën që pritej prej tyre në këto duele.
Kjo bëri që menjëherë pas përfundimit të sfidës, në fushën e lojës të organizohej një “mbledhje” e improvizuar aty për aty.
De Bryjn i inatosur mori fjalën para shokëve të skuadrës dhe më pas ishte trajneri Domeniko Tedesko që u foli lojtarëve të vet.
Në këtë moment, një kameraman i UEFA-s po afrohej për të filmuar dhe Tedesko, i inatosur që po “përgjohej” fjalimi i tij, e shtyu tutje duke i kërkuar që të largohej.
![](https://shqip.com/app/uploads/2024/06/640-0-29ccef43e53d4fdb22006706c6a991e6.jpg)
Sikur të mos mjaftonte kjo, De Bryjn futi lojtarët në dhomat e zhveshjeve, ndërsa tifozët i pritnin poshtë tribunës.
Kjo bëri që në momentin kur spikeri i stadiumit lexoi emrin e kapitenit të Belgjikës si atë të përzgjedhur si “Lojtari më i Mirë“ i ndeshjes, ai të vërshëllehej masivisht nga tifozët e ekipit të tij.
![](https://shqip.com/app/uploads/2024/06/640-0-160020e2bad3260a9894e0c6b9d8cf86.jpeg)
/Shqip.com