Opozita s’merr pjesë në shqyrtimin e buxhetit 2024 në komision
Publikuar:
(30.11.2023 20:38:25)
Komisioni për Ekonomi, Industri, Ndërmarrësi dhe Tregti, udhëhequr nga zv/kryetarja e parë e Komisionit, Jeta Statovci, shqyrtoi sot Projektligjin nr. 08/L-260 mbi ndarjet buxhetore për Buxhetin e Republikës së Kosovës për vitin 2024, sipas fushëveprimit te tij, si dhe shqyrtoi kërkesat buxhetore të agjencive dhe rregullarorëve që i raportojnë.
Komisioni për Ekonomi nuk kishte rekomandim për projektligjin, ndërkaq tri kërkesat buxhtore të ARKEP-it, ARRU-së dhe ZRRE-së, i përcolli në Komisionin për Buxhet, Punë dhe Transfere.
Në këtë mbledhje sipas fotografive të publikuara nga Kuvendi, nuk mori pjesë asnjë prej anëtarëve nga partitë opozitare.
/Shqip.com
