Fahredin Shehu / Penxher m’i penxher Berati

PENXHER M’I PENXHER BERATI

Penxher m’i penxher shehri i moçëm ruen
macet, ato m’sillen t’u dasht n’prehën m’u ul
nji shej s’më la dhania e dashnisë n’kët dit’
sen’ s’humba t’u dhan’ frymë ndër gurët ku
ecën befasitë e shumëbojëshme kurse mue
hedije m’ra një pamje e plakun e vetës p’ej
Ustadit t’madh t’Elbasanit qi halà s’ka pi
venën e Rahovecit e kur të vi ajo ditë ai ka
me u eglendis si me pas shkumue ujët
e parajsës n’vrrushkuj fresku t’lângtë
me erandje ozoni qi ringjall dejtë tona
t’lodhuna p’ej bote ku vriten njer’zit
pam’shirshëm kurse ne donim veç bukuri
dhe m’shirën e t’Madhnushnit qi ka me
dërgue Shpërimtarin e njerëzimit para se
me ra kâmbana e drekës dhe para se
m’u knue ezani i ikindisë.

(Berat, 14 tetor 2023)