Ahmeti: Serbët t’i ndalin provokimet, të dyja palët të ulen në tavolinën e bisedimeve
Shqip
Dënoj ashpër aktin e kidnapimit të policëve të Kosovës sot nga forcat speciale të Serbisë dhe pres lirimin e menjëhershëm të tyre.
Kështu mes tjerash e shpreh shqetësimin më situatën në Kosovë, lideri i BDI-së Ali Ahmeti, ndërsa i apelon palës serbe t’i ndalojë provokimet menjëherë dhe të dyja palët të ulen urgjentisht në tavolinën e bisedimeve.
Postimi i plotë:
Thellësisht i shqetësuar për situatën e tensionuar në raportet mes Kosovës dhe Serbisë.
Dënoj ashpër aktin e kidnapimit të policëve të Kosovës sot nga forcat speciale të Serbisë dhe pres lirimin e menjëhershëm të tyre.
Pala serbe duhet ti ndalojë provokimet menjëherë dhe të dyja palët të ulen urgjentisht në tavolinën e bisedimeve dhe me ndërmjetësimin e aleatëve tanë, bashkësisë euro-amerikane, t’i japin fund kontestit shumëvjeçar përmes njohjes së ndërsjelltë.
Integriteti dhe sovraniteti territorial i Kosovës është i paprekshëm dhe i garantuar nga faktori ndërkombëtar.
Tani është koha të ndërmerren veprime që të ruhet paqja, stabiliteti rajonal dhe perspektiva jonë europiane.
