Bildt: Sulmet e militantëve serbë ndaj KFOR-it, më të rënda ndër vite
Shqip
Ish-kryeministri i Suedisë Carl Bildt, ka reaguar pas situatës së tensionuar në veri të Kosovës.
Bildt, përmes një postimi në Twitter, tha se situata e krijuar është më e rënda që është parë në Kosovë, viteve të fundit.
“Kjo është më e rënda që është parë në Kosovë për shumë vite. Militantët serbë në veri të Kosovës sulmojnë forcat e NATO-s dhe lëndojnë dhjetë prej tyre. Cikli i eskalimit duhet të ndërpritet me shpejtësi”, ka shkruar Bildt.
Tutje, ai ka thënë se dialogu mes dy palëve është thelbësor për të parandaluar përkeqësimin e mëtejshëm të situatës.
Protestuesit serbë gjatë së hënës, janë përplasur me forcat e KFOR-it, ku mbetën të lënduar ushtarë dhe protestues.
