Kurti pret që në takimin e sotëm të ketë marrëveshje
Shqip
Pak para se të niste takimin me presidentin e Maqedonisë së Veriut dhe më pas me dyshen evropiane, Borrel – Lajcak, Kurti ka thënë se ai është optimist dhe ka ardhur në Ohër të mbrojë kushtetueshmërinë, sovranitetin, integritetin territorial dhe interesin publik për të gjithë qytetarët e Kosovës.
“Unë jam këtu për dialog parimor të hapur dhe serioz, që duhet të rezultoj me marrëveshje dhe marrëvershja nënkupton tekst përfundimtar. S’kam ardhur për bisedime për bisedime, por për bisedime për marrëveshje”, ka deklaruar Kurti.
Kryeministri i Kosovës ka thënë se ai ishte i gatshëm qysh në takimin e 27 shkurtit në Bruksel, që të nënshkruante marrëveshjen.
“Do të kemi bisedime për planin e zbatimit sepse nuk ka tekst të përfunduar. Përderisa s’ka përfundim të bisedimeve, nuk mund të ketë marrëveshje”, ka thënë tutje Kurti.
