Vritet gazetarja e Radio Evropës së Lirë në Kiev, Vira Hyrych
Publikuar:
(29.04.2022 16:09:37)
Ka mbetur e vrarë gazetarja e Radio Evropës së Lirë në Kiev, Vira Hyrych, pasi një raketë nga sulmi rus e ka goditur ndërtesën ku ishte duke jetuar ajo.
Asociacioni i Gazetarëve të Kosovës ka bërë të ditur se sulmi ka ndodhur me 28 prill, teksa trupi i gazetares është gjetur nën rrënoja mëngjesin e sotëm.
“Hyrych kishte punuar për Radion Evropa e Lirë që nga viti 2018, teksa paraprakisht kishte punuar edhe për disa kanale televizive ukrainase”, thuhet në njoftim e AGK-së.
Që nga 24 shkurti, fillimi i pushtim rus ndaj Ukrainës, janë vrarë mbi 20 gazetarë dhe kanë mbetur të plagosur dhjetëra të tjerë./Shqip.com