12 raste të reja me COVID-19 në Kosovë
Shqip
Ministria e Shëndetësisë njofton se 12 raste të reja të infektimit me Coronavirus janë konfirmuar gjatë 24 orëve të fundit në Kosovë.
Gjatë kësaj periudhe janë testuar 1 mijë e 559 mostra, ndërsa nuk është shënuar asnjë viktimë.
Janë shëruar 16 qytetarë, derisa numri i përgjithshëm i të shëruarve është 157 mijë e 743.
Në total numri i rasteve aktive në tërë vendin është 323.
Në 24 orët e fundit janë dhënë 1 mijë e 627 doza të vaksinës kundër COVID-19.
Që nga fillimi i procesit të vaksinimit janë dhënë 1 milionë e 610 mijë e 960 doza të vaksinës.
Deri më tani 759 mijë e 134 qytetarë janë vaksinuar me dozën e dytë.
