Zyrtarisht shpallet gjendje lufte në Izrael, pas sulmeve të Hamasit

Kabineti i sigurisë së Izraelit ka shpallur zyrtarisht gjendje lufte, sipas zyrës së shtypit të qeverisë të dielën, raporton CNN.

Lufta “u detyrua ndaj shtetit të Izraelit në një sulm terrorist vrastar nga Rripi i Gazës” të shtunën, thuhet në deklaratën e qeverisë.

Kryeministri Benjamin Netanyahu është zotuar se vendi do të “marrë hak të fuqishëm” për sulmin nga militantët palestinezë.

Forcat izraelite të mbrojtjes thanë se avionët luftarakë kanë goditur tre selitë ushtarake që i përkasin “organizatave terroriste” në Rripin e Gazës të dielën pasdite.

“U goditën selitë ushtarake që i përkasin organizatës terroriste Hamas të përdorur për drejtimin e terrorit, si dhe selitë ushtarake që i përkasin organizatës terroriste të Xhihadit Islamik që janë përdorur gjatë operacioneve të fundit, dhe selitë ushtarake shtesë që i përkasin organizatës terroriste të Xhihadit Islamik që janë përdorur nga forcat raketore të organizatës terroriste”, tha IDF.