Xherdani befasohet nga një tifoz

Xherdan Shaqiri ka qenë edhe një herë protagonist tek Çikago Fire.

Futbollisti kosovar e ndihmoi ekipin e tij në fitoren e radhës.

Pas ndeshjes, tifozët shqiptarë e mirëpritën tek tribunat reprezentuesin e  Zvicrës.

Me këtë rast, njëri prej tyre ia ofroi futbollistit nga Zhegra e Gjilanit flamurin kombëtar shqiptar.

Shaqiri me plot kënaqësi e dha nënshkrimin e tij në flamurin me shqiponjën dykrenore.

Edhe pse e përfaqëson Zvicrën, Shaqiri nuk i ka fshehur asnjëherë rrënjët e tij shqiptare.

Madje, në këpucët e tij sportive kohë pas kohe e ka shfaqur edhe flamurin kombëtar dhe atë të Kosovës, krahas atij të Zvicrës.