WhatsApp ka një veçori, të ngjashme me atë të Telegram

Marrja e përditësimeve nga njerëz, organizata, artistë, të famshëm dhe më shumë në WhatsApp tani do të jetë edhe më e aksesueshme duke ruajtur privatësinë tuaj.

Funksioni kryesor i Kanaleve është komunikimi një-për-shumë nëpërmjet mesazheve dhe po shtohen mënyra të reja ndërveprimi, të tilla si reagimet e emocioneve.

Kanalet WhatsApp do të vendosen në një skedë të veçantë të aplikacionit dhe do të sigurojnë privatësinë e përdoruesit në mënyrë të tillë që përdoruesit e tjerë të mos kenë një pasqyrë të kanaleve që përdoruesi ndjek.

Gjithashtu, të dhënat personale të llogarisë së përdoruesit nuk do të jenë të dukshme. Në muajt e ardhshëm, të gjithë do të mund të krijojnë kanalin e tyre. Administratorët e kanalit do të jenë përgjegjës për përmbajtjen e tij.

Është paralajmëruar filtrim më i mirë i kanaleve, në varësi të shtetit në të cilin ndodhet përdoruesi, dhe numri total i reagimeve mund të shihet nën mesazhe. 

Kanalet më aktive do të jenë lehtësisht të disponueshme për monitorim, dmth. ata që do të kenë më shumë ndjekës dhe do të jenë më të njohurit.

Siç u njoftua në blogun zyrtar, funksioni i ri duhet të jetë i disponueshëm në javët e ardhshme në më shumë se 150 vende.

Në faqet zyrtare të Metës thuhet se ky është vetëm fillimi, kanalet do të zgjerohen dhe do të shtohen veçori të reja, të gjitha bazuar në komentet e përdoruesve.