Vuçiq takohet me Macronin, diskutohet për Kosovën

Presidenti i Serbisë Aleksandar Vuçiq u takua me presidentin francez Emmanuel Macron në Pallatin Elysee.

Siç raporton Kosovoonline, temë e bisedimeve në këtë takim ishin Kosova dhe investimet në Serbi.

“Fola rreth zhgënjimit të popullit tonë në Kosovë sepse ajo që u premtua nuk është përmbushur. Jam jashtëzakonisht i kënaqur që kam ardhur në Paris dhe kam folur me Macron. Ka shumë gjëra për të cilat nuk mund të flas. Pres që Macron të vizitojë në fillim të vitit të ardhshëm. Unë e shoh atë si një mik të sinqertë të vendit tonë dhe më duket se ai gjithashtu respekton atë që ne bëjmë atë që thotë ai,” tha Vuçiç.

Presidenti i Serbisë është për një vizitë dyditore në Paris, ku nesër do të marrë pjesë në Forumin e pestë të Paqes në Paris dhe nesër do të ketë një drekë pune me Përfaqësuesin e Bashkimit Evropian për Punë të Jashtme dhe Politikë të Sigurisë Josep Borrell dhe Përfaqësuesin Special të Bashkimit Evropian për Dialogun midis Beogradit dhe Prishtinës Miroslav Lajçak.

Takimi vjen në një kohë kur Beogradit ju paraqit një plan franko-gjerman për të zgjidhur mosmarrëveshjen në mes Kosovës dhe Serbisë, raporton RTS.

Shkuarja në Paris u konfirmua edhe nga kryeministri i Kosovës, Albin Kurti.

Përmes një postimi në Facebook, Kurti ka thënë se do të shkojë në kryeqytetin francez së bashku me gruan e tij dhe ka mundësi që atje do të takohej me presidentin e Serbisë.

Kurti është shprehur se ai është i gatshëm për arritjen e marrëveshjes me Serbinë ku në qendër do te jetë njohja reciproke.