Vuçiq niset për në Rusi, thotë se ka shumë tema për të diskutuar me Putinin
Presidenti i Serbisë, Aleksandër Vuçiq, është nisur për në Moskë ku do të takohet me presidentin e Federatës Ruse, Vladimir Putin.
Pa dyshim, që Kosova pritet të jetë temë diskutimi ndërmjet tyre.
Rusia është penguese e anëtarësimit të Kosovës në Organizatën e Kombeve të Bashkuara.
Po ashtu, Putin i ka dhënë mbështetje të vazhdueshme Serbisë në raport me Kosovën duke pretenduar në parimin “mbrojtjen e sovranitetit territorial”.
Por, në tavolinën e Kremlinit temë diskutimi nuk do të jetë veç Kosova.
Serbinë po e preokupon edhe një çështje tjetër.
Gazi – Vuçiqit i intereson çmimi i gazit, në një kohë ku globalisht ka krizë energjetike, raporton agjencia e lajmeve serbe Tanjug.
“Rezultati është shumë më i rëndësishëm se formati. Do të ketë shumë tema në tryezë me Putinin, njëra prej tyre është gazi”, tha Vuçiq
Presidenti serb ka deklaruar disa herë që e dëshiron integrimin në Bashkimin Evropian, por “pa i prishur raportet me Rusinë”. /Shqip.com