VIDEO/ Dron dhe bomba termite, arma e frikshme që po përdor Ukraina kundër ushtarëve rusë

Faqet pro-ruse e paraqesin atë si një armë të re të projektuar nga inxhinierët e Moskës; nga ana tjetër ukrainasit pretendojnë se është shpikje e tyre. Por imazhet e dronit flakëhedhës janë ende mbresëlënëse: pajisja hedh një substancë ndezëse me saktësi, pastaj vetëshkatërrohet.

Qëllimi është i qartë: të eliminohen pozicionet e kamufluara në rreshtat e pemëve që karakterizojnë fshatrat e Ukrainës jugore. Ky është skenari kyç i të gjitha luftimeve të dy viteve të fundit: kontrolli i atyre vijave vendos përleshjet.

Sipas disa burimeve, droni përdor termitin: një përzierje që digjet për një kohë të gjatë në tokë dhe depërton në strehimore, e përdorur tashmë në kokat e raketave ruse me efekte shkatërruese, gjatë sulmeve vrasëse në Ukrainë.

Burime të tjera megjithatë besojnë se është një substancë e ngjashme me napalmin. Një tjetër tmerr që materializohet në frontet e luftës.