Vdes artisti i njohur kosovar
Shqip
Kryetari i Prizrenit, Mytaher Haskuka, ka njoftuar për vdekjen e artistit Zef Toçi.
Haskuka ka shkruar se Toçi me dekada të tëra ka hapur ekspozita unike në Prizren.
“Me pikëllim të thellë mora lajmin për ndarjen nga jeta të artistit Zef Toçi, i cili është një prej figurave më rëndësishme të artit në Prizren, por edhe në Kosovë”, ka njoftuar ai.
Ai ka thënë së në vitin 2019 i kanë dhënë mirënjohje për kontributin në artin pamor.
“Në emër të qytetarëve të Komunës së Prizrenit dhe në emrin tim personal dua të shpreh ngushëllime familjes, miqve dhe kolegëve të tij. Veprat e tij do ta mbajnë të gjallë gjithmonë”, ka përfunduar ai./SHQIP.com
