Art Jetese

Ushqimet që duhet të konsumoni për ta luftuar astmën

Astma është një sëmundje inflamatore e cila prek rrugët e frymëmarrjes dhe mushkëritë.

Ajo karakterizohet nga simptoma të ndryshme dhe të përsëritura, të cilat bllokojnë qarkullimin e lirshëm të ajrit në mushkëri.

Sëmundja e astmës është një bashkim i kushteve mjedisore, kryesisht gjatë rritjes së një personi dhe atyre gjenetike, të trashëguara.

Simptomat përfshijnë dhimbje në gjoks, kollitje, spazma të stomakut.

Faktorët mjedisorë dhe alergjitë luajnë një rol kyç në përkeqësim apo mbajtjen nën kontroll të kësaj sëmundjeje.

Mjekët thonë se astma mund të mbahet nën kontroll nëse përmirësohet cilësia e jetesës.

Duke u fokusuar në një ushqyerje të shëndetshme dhe aktivitet fizik.

Një studim i Universitetit të Parisit ku morën pjesë 34 mijë persona me simptoma të astmës, tregoi se përgjatë një viti personat që ishin ushqyer me një dietë bazë frutash dhe perimesh rezultuan të kishin më pak shqetësime nga sëmundja, shkruan agroweb.

Sipas të dhënave ekspertët rekomandojnë frutat, perimet dhe drithërat.

Ndërsa këshillojnë të bëhet kujdes me produktet e mishit dhe me ushqimet e përpunuara me sasi të madhe kripe e sheqeri.

Një dietë e pasur mesdhetare me bazë perimet është çelësi i bashkëjetesës me astmën, pa pasur nevojën e përdorimit të shumtë të antibiotikëve.

Po ashtu vitamina dhe antioksidantë të cilat gjenden me shumicë në ushqime si: mollët e kuqe, boronicat, kumbullat apo qershitë.

Më poshtë janë disa nga ushqimet që duhet të konsumoni.

Arrat dhe farat

Përmbajnë sasi të mëdha të vitaminës E që përbëhet nga tokoferoli, një suplement që ndihmon në zbutjen e kollës së astmës.

Kjo vlen për personat që nuk vuajnë nga alergjitë nga arrorët.

Peshk

Peshku përmban sasi të mëdha të omega 3 që gjendet me shumice tek sardelet, salmoni apo peshku ton.

Omega 3 ndihmon në reduktimin e antitrupa të cilat shkaktojnë kollën e azmës.

Domatet

Domatja përmban liktopene, një suplement që ju ndihmon të merni frymë më mirë.

Fibra

Dieta me fibra është një mënyrë e mirë për të ndihmuar funksionimin e mushkërive.

Një kupë thjerrëza përmban 15.6 gr fibra.

Ushqime të tjera të pasura me fibra janë molla, qepa, brokoli e bollguri.

Spinaq

Gjethet e spinaqit janë të pasura me vitamina dhe minerale. Në veçanti me vitaminën B e cila ndihmon në reduktimin e sëmundjeve të astmës.

Shegët

Shegët ofrojnë një dozë të madhe antioksidantësh që ndihmojnë të shërimin e inflamacionit të mushkërive

/Shqip.com