United do të “luftojnë” kundër suspendimit të Ronaldos

Manchester United do të luftojë çdo përpjekje për të ndaluar Cristiano Ronaldon të luajë, pas incidentit me celularin e një tifozi në Everton.

Trajneri i United, Erik ten Hag tha të mërkurën se sulmuesi portugez nuk do të pranojë akuzat e Federatës së Futbollit për ‘sjellje të pahijshme dhe/ose të dhunshme’, shkruan BBC.

Cristiano Ronaldo smashed someone’s phone after losing to Everton, according to fans at the ground 😳

(via @evertonhub) pic.twitter.com/a20z4Sg20F

— ESPN FC (@ESPNFC) April 9, 2022

Ronaldo mori një paralajmërim nga policia pasi i rrëzoi një telefon nga duart e një tifozi në një incident pas humbjes 1-0 nga Everton në Goodison Park.

Atij iu dha afat deri të hënën në mbrëmje për t’iu përgjigjur akuzës së FA, e cila mund të ngrihej vetëm pas përfundimit të përfshirjes së policisë së Merseyside në këtë rast në gusht.

United nuk kishte deklaruar se cila ishte përgjigja e Ronaldos.

“Ne folëm për këtë dhe ai nuk do ta pranojë atë,” tha Ten Hag, përpara ndeshjes së grupit të Europa League të enjten kundër skuadrës qipriote Omonia Nicosia.

Klubi më pas sqaroi vërejtjet e Ten Hag, duke thënë se Ronaldo nuk do të pranonte një dënim të ashpër, të cilin United mendon se do të ishte i padrejtë, në vend që të kundërshtonte se incidenti ndodhi./Shqip.com