Truss akuzon Putinin për rrëmbime ‘të neveritshme’
Shqip
Pas pretendimeve që një numër i madh i Ukrainaseve janë dërguar me forcë në Rusi, ka reaguar Liz Truss.
Sekretarja e Jashtme britanike, Truss, ka akuzuar presidentin rus, Vladimir Putin, për përdorimin e “taktikës së neveritshme” të rrëmbimit të civilëve ukrainas.
Në një postim në Twitter, Truss tha se Putin “po përdorte masa të dëshpëruara”, shkruan BBC.
“Putini vazhdon të përdorë taktika të neveritshme kundër popullit ukrainas, duke përfshirë rrëmbimin e civilëve të pafajshëm. Ai nuk po i arrin objektivat e tij dhe po përdor masa të dëshpëruara”, ka shkruar ajo.
Putin continues to use abhorrent tactics against the Ukrainian people, including abducting innocent civilians.
He is not achieving his objectives and is resorting to desperate measures.
Putin must fail in Ukraine. #thetaken https://t.co/ydgbvdZI1P
— Liz Truss (@trussliz) March 28, 2022
Komentet e saj erdhën pasi një grup ukrainas për të drejtat e njeriut, Zmina, tha se kishte identifikuar dhjetëra njerëz që ishin zënë rob.
Grupi gjithashtu pretendon se “mijëra” ukrainas janë dërguar në Rusi kundër vullnetit të tyre./Shqip.com
