Tetë teknikat e xhudos dhe gjithçka që duhet të dini rreth këtij sporti

Ekzistojnë dy mënyra kryesore të ushtrimit të xhudos: Randori dhe Kata.

Kata, e cila me përkthim në shqip do të thotë “formë”, praktikohet duke ndjekur një sistem format të ushtrimit të paracaktuar.

Ndërsa, Randori, me përkthim në shqip, domethënë “ushtrim i lirë”, e cila praktikohet lirishtë.

Kata përveç teknikave të hedhjes dhe mbajtjeve përmban edhe teknikat e goditjes me dorë dhe këmbë, ato janë mënyra më e mirë e mbrojtjes dhe sulmit në raste të ndryshme, duke qenë teorikisht të sistemuara.

Në botën e xhudos, ekzistojnë tetë teknika të quajtura: Judo waza.

1.Teknika e qendrimit (shizei),

2. Teknikat e lëvizjes (shintai),

3. Teknikat e rënies (ukemi waza),

4. Teknikat e kapjes (kumikata),

5. Teknikat e hedhjes (nage waza),

6. Teknikat e levave (kansetsu waza),

7. Teknikat e mbytjeve (shime waza) dhe

8. Teknikat e mbajteve (osaekomi waza).

Tre grupet e para janë teknika elementare, të ashtuquajtura teknika ndihmëse, të cilat mundësojnë sjelljen e kundërshtarit në pozitë sa më të përshtatshme për të realizuar sulmin ose mbrojtjen.

Kurse grupet tjera të teknikave mundësojnë sjelljen e pikave me të cilat arrihet edhe fitorja.

Gjithashtu në xhudo është e përfshirë edhe teknika “Atemi Waza”, por në garat e këtij sporti ajo nuk aplikohet.

Teknika goditëse (Atemi Waza) përdoren për të goditur kundërshtarin në pika vitale për ta paaftësuar ose çekuilibruar, ashtu që xhudisti të mund të aplikojë teknikën e hedhjes apo edhe teknikat tjera.

Sporti modern i xhudos ka ndaluar përdorimin e kësaj teknike, por në “xhudon e vërtet”, përdorimi i “Atemi Waza” mund të jetë dallimi mes fitores dhe humbjes.

Kjo teknikë ndahet në dy grupe: Ude Waza (teknikat me duar) dhe Ashi Ate (teknikat me këmbë).

“Atemi Waza” është e rrezikshme nëse përdoret në praktikën e lirë, por ajo përdoret në teknikat e kontrolluara model të cilat quhen kata./Shqip.com