Tahiri: Kryeministër, të hënën fëmijët duhet të shkojnë në shkollë
Shefi i grupit parlamentar të Aleancës për Ardhmërinë e Kosovës, Besnik Tahiri i ka bërë thirrje edhe njëherë kryeministrit të Kosovës, Albin Kurti që të gjendet një zgjidhje për grevën në arsim.
Ai ka thënë se fëmijët duhet të shkojnë nesër në shkollë.
“Kryeministër, të hënën fëmijët duhet të shkojnë në shkollë. Këtë, ju e keni në dorë. E keni në dorë me vendimmarrjen që e keni në posedim”, ka thënë Tahiri.
Veprimet e fundit, Tahiri i ka quajtur pazotësi për të qeverisur.
“Mos vullneti për të ofruar zgjidhje në këto rrethana, tani kur jemi gati në gjysmën e shtatorit, nuk është asgjë tjetër, veç pazotësi qeverisëse dhe arrogancë klasike” ka thënë Tahiri.
Është obligim i secilës qeveri dhe secilit kryeministër që të takojë përfaqësuesit e sindikatave. Sindikalistët janë organizata me bazë të anëtarësisë të cilët janë të punësuar në administratën e shtetit ka shtuar më tutje Tahri./Shqip.com