Sveçla në 73 vjetorin e NATO-s, takohet me Ruter dhe Hoppe
Shqip
Ministri i Mbrotjes së Kosovës, Xhelal Sveçla, ka takuar Drejtorin e NATO-s Advisory and Liaison Team (NALT) Gjeneralin Jorg Ruter, në 73 vjetorin e themelimit të NATO-s.
Sveçla, ka takuar gjithashtu ka takuar edhe pasardhësin e Ruter, Joachim Hoppe.
“Falënderova Gjeneralin Rüter për bashkëpunimin e shkëlqyer në avancimin dhe fuqizimin e kapaciteteve të institucioneve të sigurisë, i urova suksese në karrierën e tij të mëtutjeshme si dhe e sigurova se ky bashkëpunim do të vazhdojë dhe më tutje me Gjeneralin Joachim Hoppe. Gjatë këtij takimi diskutuam lidhur me situatën e sigurisë në Kosovë si dhe rolin e NALT-it në mbështetje të institucioneve, me theks të veçantë tek ndërtimi i kapaciteteve në fushën e sigurisë”, ka shkruar Sveçla.
Ai gjithashtu ka shprehur përkushtimin maksimal që në koordinim dhe bashkëveprim me aleatët tanë, të ofrojmë siguri për të gjithë vendin, qytetarët tanë dhe të shtyjmë përpara aspiratat e shtetit tonë në integrimin euro atlantik./Shqip.com
