Superliga vazhdon në mesjavë – me dy përballje
Shqip
Gjiroja e dhjetë e Superligës së Kosovës në baksektboll do vazhdojë të mërkuren – me dy ndeshje.
Trepça do e presë Dritën, kurse Bashkimi e kërkon fitoren ndaj Prishtinës, shkruan shqip.com.
Skuadra nga Mitrovica është favorit total në letër ndaj Dritës, e cila ende nuk e ka shijuar ndjenjen e fitores në këtë sezonë.
“Xehtarët” po kalojnë në formë fenomenale dhe janë lider në Superligë. Në nëntë ndeshje të zhvilluara, ata kanë pësuar vetëm dy humbje, ndërsa kanë arkëtuar shtatë fitore.
Ky takim do zhvillohet të mërkuren, me fillim nga ora 17:00.
Në Prizren, takohen dy rivalët e vjetër të basketbollit kosovar, Bashkimi dhe Prishtina.
Deri më tani, të dyja skuadrat kanë regjistruar rezultate të njëta – katër humbje dhe pesë fitore.
Por, për shkak të koshashënimit më të mirë, “plisat” gjenden në pozitën e pestë kurse Bashkimi në të gjashtën.
Në përballjen e parë sezonale të zhvilluar ndërmjet këtyre dy skuadrave, fituese kishte dalë Prishtina./Shqip.com
